Тăван чĕлхи эрнипе килĕшÿллĕн нарăсăн 18-мĕшĕнче 5-мĕш класс ачисем хушшинче «Савăнăçлисемпе тавçаруллисен конкурсĕ» иртрĕ. Вĕренекенсем икĕ ушкăна пайланса тупăшрĕç. Вĕсен 7 тур хушшинче тĕрлĕрен ĕçсем туса ирттерме тиврĕ: чăваш чĕлхи тата литературипе çыхăннă тĕрлĕрен ыйтусен хуравне хăвăрт пĕлмелле, черетпе «асамлă сăмахсем» каламалла, пуплев йăнăшĕсене тупмалла, текст стильне ăнланса ун тăрăх ÿкерчĕк тумалла, сăмахра «ь» пуррипе çуккине тÿрех каламалла пулчĕ. Ачасем питĕ тимлĕ те тавçăруллă пулчĕç, тăван чĕлхене лайăх пĕлнине кăтартса пачĕç. Конкурса пĕтĕмлетсен туслăх çĕнтерни палăрчĕ.